Shëndetësia falas ka qenë një nga pikat e forta të programit të qeverisë. Megjithatë, sot ndërsa ministri i Shëndetësisë, Ilir 
Beqaj, bashkë me drejtorin e maternitetit “Mbretëresha Geraldinë”, Blenard Nonaj, përuruan Ekografinë e Re 4Dimensionale në “Qendrën e Shëndetit të Gruas”, mësohet se kjo ekografi u bë e mundur falë të ardhurave dytësore të spitalit nga “Qendra e Shëndetit të Gruas”, të cilat, sipas burimeve zyrtare, gati janë dyfishuar nga viti 2013 (nga 1 milion në 2013 në 1.8 milionë në 2014).
Një deklaratë e tillë e bën pak të dyshimtë premtimin për shëndetësi falas, ndërsa thuhet se brenda një viti paratë e paguara nga shqiptarët në “Qendrën e Shëndetit të Gruas”, janë dyfishuar.
Gjithsesi, bazuar në deklaratat e herëpashershme të ministrit të Shëndetësisë, shqiptarët mund të kenë shpresë, pasi ndoshta, në 2017-n, edhe mund të përfitojnë diçka falas.
