Është vënë re se prej disa javësh në ambientet e jashtme të QSUT-së kanë filluar punimet. Janë shtuar stolat e ndjenjes, kjo pasi edhe numri i qyetarëve që rrinë jashtë ambientit të spitalit të lë të besosh se është dyshif më i lartë se i të shtruarve. 
Sigurisht që kjo lidhet edhe me traditën tonë: 20 veta, 1 i sëmurë. Traditë që ka bërë të dështojë çdo urdhër për të vendosur rregull, të paktën brenda ambienteve.
Punimet vazhdojnë. Tanimë ka filluar puna për shtrimin e barit artificial. Kjo situatë është raportuar nga vetë bluzat e bardha, të cilët bëjnë një paralelizëm të nevojave brenda ambjenteve të QSUT-së dhe reformave që merren jashtë këtyre ambienteve.
“Bar artificial, dërrasa të ngulura në mure, ekskavatorë që punojnë, ndërsa në spital mungojnë ilaçet kryesore si adalat, propafenon etj., etj.”, shkruan mjeku Petrit Vargu në statusin e tij në facebook.
Burime brenda urgjencës së QSUT-së bëjnë me dije se propafenoni është një medikament që ka munguar përgjatë gjithë muajit prill./ D.C.
