Përshtati në shqip për gazetën “Shëndet+”: D.Bardhi
Mungesa e hekurit në gjak shkakton anemi dhe ndodh kur niveli i qelizave të kuqe të gjakut në trup janë më të ulëta se normalja. Trupi ka nevojë për hekur për të krijuar një proteinë të quajtur hemoglobinë, e cila është përgjegjëse për kryerjen e oksigjenit në indet e trupit. Ky proçes është thelbësor për indet dhe muskujt që të funksionojnë në mënyrë efikase.
Disa faktorë që kontribuojnë në mungesë të hekurit janë:
- Pamjaftueshmëria e marrjes së hekurit në baza ditore përmes ushqimeve
- Shtatëzania ose humbja e gjakut për shkak të menstruacioneve
- Gjakderdhjet e brendshme
- Paaftësia e trupit për të absorbuar hekurin
Simptomat kryesore të mungesës së hekurit në trup janë:
Lodhje e vazhdueshme dhe ekstreme: kur trupi ka probleme me mbartjen e oksigjenit në qeliza, ndikon edhe në nivelet e energjisë. Njerëzit që kanë mungesë hekuri ndihen të lodhur gjatë gjithë ditës dhe e kanë të vështirë të koncentrohen apo përqëndrohen.
Infeksione të vazhdueshme: hekuri është një element i domosdoshëm për të mbajtur sistemin imunitar në nivelet e duhura. Qelizat e kuqe të gjakut bëjnë transportimin e oksigjenit në nyjet limfatike, të cilat përmbajnë qelizat e bardha të gjakut dhe luftojnë infeksionet.
Lëkurë e zbehtë: hemoglobina i jep ngjyrën rozë lëkurës. Kështu kur niveli i saj është i ulët mund të shkaktojë zbehje të lëkurës.
Ndryshimet në gjuhë: njerëzit që kanë mungesë hekuri në gjak shpesh ju shkaktohen çarje në anë të buzëve apo gjuhës.
Rënie të flokëve: kur trupi nuk merr oksigjen të mjaftueshëm mund të çojë edhe në probleme me rënien e flokëve.
Burimi: Bright Side
