Proteina është një përbërës shumë i rëndësishëm për shëndetin tonë dhe na jep energji, ndihmon në humbjen e peshës dhe në përgjithësi është një element i vlefshëm për trupin tonë.
Pse është kaq e rëndësishme proteina?
Proteina është një material ndërtimi për trupin, për muskujt, ajo nxit metabolizmin dhe aftësinë për të djegur dhjamin. Është vërtet karburanti që aktivizon dhe mbështet trupin në ndërtimin e indeve dhe qelizave të shëndetshme.
Këto janë shenjat më të zakonshme që trupi juaj po ju paralajmëron se ndoshta nuk po konsumoni mjaftueshëm proteina.
Disa nga shenjat që do t’ju paralajmërojnë se ndoshta nuk po konsumoni mjaftueshëm proteina përfshijnë:
Shërimi i ngadaltë i plagëve
Proteina është e nevojshme për shërimin e plagëve dhe kur mungon, shërimi i plagëve bëhet më i ngadaltë, formimi i kolagjenit zvogëlohet dhe plagët gjithashtu mund të përkeqësohen.
Infeksione të shpeshta, sistem imunitar i dobët
Dihet që marrja e reduktuar e proteinave ndikon në funksionimin e sistemit imunitar. Mekanizmi ka të bëjë me rolet që luajnë aminoacidet në formimin e antitrupave – të njohur si proteina – dhe në rregullimin e përgjigjeve imune.
Kocka të dobëta
Kjo mund të çojë në më shumë fraktura, veçanërisht tek të moshuarit. Formimi, mbështetja dhe riparimi i kolagjenit në faza të ndryshme të jetës ndikohen nga mungesa e proteinave, ashtu si edhe masa muskulore, pasi të dyja punojnë së bashku.
Rënia e flokëve
Kjo mund të lidhet me gjendjen e hekurit, e cila është një mungesë e zakonshme e mikronutrientëve që vjen si pasojë e mungesës së ushqimeve proteinike në dietë, veçanërisht mishit dhe bishtajoreve.
Rritje e urisë dhe dëshirës për ushqime që të ngushëllojnë
Kur nuk konsumoni mjaftueshëm proteina, është e zakonshme të ndjeni uri të fortë, pasi trupi aktivizon mekanizmin e oreksit për të marrë atë që i nevojitet.
