Gazetare: Klevisa GJIKA
Ndërron jetë një 57 – vjeçar në Topojan të Kukësit. Viktima ishte shtruar në spiatlin Infektiv që më 6 korrik dhe fatkeqësisht nuk arriti të mbijetonte.
Kështu, shënohet viktima e parë në Kukës nga koronavirusi, që në fillim të pandemisë. Frika e infektimit të të afërmve të tij ka bërë që të gjithë familjarët të bëjnë tamponin. Megjithatë, për fat të mirë të gjithë kanë marrë përgjigje negative dhe kjo ka ulur mundësinë për krijimin e një vatre tjetër infeksioni.
Kujtojmë se gjatë 24 orëve të fundit kanë rezultuar pozitiv me koronavirus 3 persona në Kukës, 2 në fshatin Shtiqën dhe 1 në qytet. Aktualisht, 32 raste janë aktive dhe 42 qytetarë nga 80 infektime në total janë shëruar.
