Përshtati në shqip për Shendeti Online dhe gazeta Shëndet+: Blertina Koka
Shënohet viktima e parë si pasojë e një superbakteri që ka rezultuar rezistent ndaj 26 antibiotikëve të ndryshëm. 70-vjeçarja nga Nevada ishte rikthyer në SHBA në gusht të vitit të kaluar me një gungë të infektuar në ijën e djathtë pas një qëndrimi të gjatë në Indi.
Ajo ndërroi jetë në muajin shtator.
Në një raport të Qendrës për Kontrollin dhe Parandalimin e Sëmundjeve thuhet se infeksioni ishte “rezistent ndaj të gjitha ilaçeve të disponueshme kundër baktereve.
Gruaja ishte shtruar në një spital në Indi pasi kishte ndrydhur këmbën e djathtë. Infeksioni i kishte kaluar në kocka dhe më pas ishte përhapur në ije.
Kur shkoi në SHBA ishte në gjendje shumë të rëndë – sistemi imunitar ishte dobësuar duke u mundur të luftojë infeksionin që kishte shkaktuar inflamacion në të gjithë trupin.
Gruaja ndërroi jetë brenda pak ditësh nga një shok septik.
Mjekët i morën mostra të infeksionit nga plaga dhe i dërgon për testim tek Qendra për Kontrollin dhe Parandalimin e Sëmundjeve.
Testet treguan se gruaja ishte infektuar me “Klebsiella pneumoniae”, që normalisht jeton në zorrë pa shkaktuar ndonjë sëmundje. Analizat zbuluan se ky superbakter ishte rezistent ndaj 26 antibiotikëve të disponueshëm në SHBA, përfshirë edhe ilaçin colistin.
Burimi: BBC / shendeti.com.al
