Shërbimi i sëmundjeve infektive ka grumbulluar ndihma për familjet në jug të vendit, shtëpitë e të cilëve u përmbytën për 
shkak të reshjeve të dendura. Kjo nismë ishte lajmëruar para disa ditësh, për t’u bërë konkrete sot. Edhe pse ishte një nismë që lajmëronte përfshirjen e të gjitha shërbimeve, me sa duket vetëm shërbimi i infektivit i është përgjigjur thirrjes.
Ndihma konsistonte në ushqime dhe veshje, ndihma modeste si shprehje e mbështetjes dhe ndjeshmërisë ndaj situatës në të cilën gjenden këto familje. Edhe pse mjekët e shikojnë situatën si tepër të vështirë për ta, kjo nuk i pengon aspak që të shprehin solidaritet dhe mbështetje për personat në vështirësi socio-ekonomike./D.C.
