Doktor Dhimitër Kraja lë spitalin Infektiv. Ai është shëruar dhe do të karantinohet në banesë.
Kraja ka lënë spitalin dhe është larguar me një makinë private për në banesë, aty ku do të duhet të qendrojë për 14 ditë të tjera i izoluar.
Doktori u kthye në detyrë edhe pse kishte dalë në pension, për të shërbyer në spitalin Infektiv, në këto ditë të vështira, aty ku kaloi 48 vite të jetës së tij.
Shërimi i doktor Lulit ashtu sikurse e thërrasin të gjithë është një lajm i mirë për të gjithë, pasi mjeku u cilësua si “hero” në këtë betejë, i cili u rikthye në detyrë për të qenë në vijë të parë me Covid-19.
Ai rezultoi pozitiv me koronavirus, por fatmirësisht ka arritur ta mundë virusin.
