Rreth 30 punonjëse të Spitalit Rajonal të Kukësit kanë dalë sot në protestë pasi morën me postë njoftimin për largim nga detyra. Punonjëset sanitare kanë protestuar mëngjesin e sotëm përpara godinës së drejtorisë së spitalit, ku kanë kërkuar që drejtuesit e këtij institucioni të rishikojnë vendimin.
Ato kanë deklaruar se largimi nga puna ka ardhur me motivacionin e “Shkurtimit të vendit të punës”, por në fakt janë zëvendësuar nga militantë partiakë.
‘Kam 35 vite punë dhe të më heqin kështu nga puna, kjo nuk bëhet. Më heqin mua e më zëvendësojnë me të tjera” thotë një punonjëse.
“Jam kryefamiljare, kam 5 jetimë, ku do t’i çojë unë? Të mbysim veten?”, shprehet një tjetër.
Largime të ngjashme kanë ndodhur në shumë qendra spitalore në mbarë vendin, dhe në pjesën më të madhe të rasteve vendimet janë pritur me protesta./ https://shendeti.com.al/
