Kardiologët japin alarmin për meshkujt të cilët nuk hanë rregullisht mëngjesin. Rreziku theksohet nga një studim i kryer në Shtetet e Bashkuara të 
Amerikës, nga kërkuesit në Shhkollën e Harvardit, ku rezulton se mosngrënia e mëngjesit, veçse një zakon i keq, rrit rrezikun e sëmundjeve të zemrës dhe favorizon ataket kardiake.
Kërkimi që u zhvillua mes viteve 1992-2008 me 27 000 persona të gjinisë mashkullore të moshës 45-82 vjeç, të gatshëm për të marrë pjesë në këtë studim, tregoi se ka një rritje prej 27% të faktorit të riskut kardiak mes personave që zakonisht nuk hanin mëngjes.
Nga ana tjetër, në këtë kategori futet edhe një përqindje e madhe e duhanpirësve dhe konsumuesve të alkoolit. Anashkalimi i mëngjesit mund të rrisë rrezikun e obezitetit, hipertensionit, kolesterolit dhe diabetit që më pas çojnë në kriza kardiake, thonë studiuesit./ Gridi Shehu
