Përgatiti për “shendeti.com.al”: E.B
Vaji i kokosit është ‘helm i pastër’, sipas një leksioni të dhënë nga një profesor T.H. Chan në Shkollën e Shëndetit Publik në Harvard.
Dr. Karin Michels, e cila kryeson qendrën për kërkimin e tumoreve në Universitetin e Friburgut, e bëri deklaratën në një bisedë 50-minutëshe në gjermanisht muajin e kaluar.
Ndër të tjera, ajo i tha audiencës së saj se ‘vaji i kokosit është helm i pastër’ dhe ‘është një nga ushqimet më të këqija që mund të hani’, sipas një përkthimi nga “Business Insider Deutschland”.
Videoja, e cila ka grumbulluar më shumë se 400,000 ndjekës qëkurse u botua më 10 korrik, përmban komente nga ndjekësit për vlerat ushquese që mbart ky produkt, por Shoqata Amerikane e Zemrës ka kërkuar që konsumatorët të kufizojnë përdorimin e vajit.Vaji i kokosit ka përdorim të lartë nga njërëzit. Disa persona madje, zgjedhin të hedhin edhe një lugë vaj kokosi në kafenë apo lëngun e tyre të frutave për shkak të përfitimeve të supozuara shëndetësore. Vaji i kokosit madje ka zëvendësuar edhe vajrat e tjera në gatim ndërkohë që njerëzit zgjedhin që t’ia ofrojnë atë edhe kafshëve të tyre shtëpiake.
Dr. Michels thotë se vaji i kokosit është më keq se sallo (yndyra nga barku i derrit).
Sidoqoftë, Michels, nuk është e vetmja që e kritikon atë. Edhe pse jo fuqishëm, institucione të tjera kanë paralajmëruar kundër mbi konsumimit të tij. Fondacioni britanik i zemrës thotë se nuk ka mjaftueshëm kërkime që të japin një përgjigje përfundimtare nëse vaji i kokosit është apo jo më i mirë për njeriun krahasuar me yndyrnat e tjera.
Ai thotë se zgjedhja më e mirë do të ishte ajo për yndyrnat më të pangopura si vajo vegjetal apo ai i lulediellit. Vaji i kokosit është një yndyrë 86 për qind e ngopur, një e treta më shumë se gjalpi.
Sasi të tepruara të yndyrnave të ngopura shkaktojnë rritje të kolesterolit që mund të çojë edhe në arterie të bllokuara dhe sëmundje zemre. Fondacioni thotë madje se duhet këmbyer gjalpi, dhjami, vaji i kokosit dhe i palmës me sasi të vogla yndyrnash si ulliri, lulja e diellit etj.
Një sondazh mbarëkombëtar në vitin 2016 zbuloi se të paktën 70 për qind e njerzve besonin se vaji i kokosit ishte i shëndetshëm dhe e shihnin atë si një nga vajrat më të mirë./Dailymail
