Shoqata e Mjekëve Shqiptarë në Gjermani ka njoftuar me anë të një postimi në Facebook se ka vendosur të ofrojë asistencë shëndetësore për të gjithë shqiptarët që në këto ditë të vështira gjenden në Gjermani.
Postimi i plotë:
Shoqata e Mjekëve Shqiptarë në Gjermani ( Gesellschaft der Albanischen ÄRZTE in Deutschland e.V) duke vlerësuar emergjencën ne të cilën ndodhet gjithë bota sot, vendosi të japë kontributin e saj duke ofruar asistencë shëndetësore për të gjithë shqiptarët që në këto ditë të vështira gjenden në Gjermani.
Gjatë një video konference të zhvilluar me urgjencë mbrëmjen e djeshme, të gjithë mjekët anëtare të shoqatës dakordësuan për të ofruar këtë ndihmë në komunitet ku ata jetojnë dhe punojnë në mënyrë vullnetare.
Mjekët do tu vijnë në ndihmë të gjithë shqiptarëve që ndodhen në Gjermani, pushuesve, punëtorëve që shfrytëzojnë periudhën e 90 ditëve të qëndrimit, të gjithë atyre që janë me apo pa vizë (leje qëndrimi), pa mjek familje, pa sigurimin e duhur shëndetësor dhe që nuk dinë mirë gjuhen gjermane.
Shoqata e Mjekëve Shqiptar në Gjermani ka anëtarë të 11 lande, nga 16 që janë gjithsej në Gjermani.
Gjatë ditës së sotme do të postojmë numrat e kontaktit të mjekëve që do të jenë në dispozicionin tuaj.
Për çdo pyetje mund të na shkruani në info@gardev.de
