Përshtati në shqip: Arlinda Rexhmati
Vlerësimet e zakonshme të ushqimit të humbur (të çuar dëm) në të gjithë botën janë shumë të ulëta, sipas disa studiuesve nga Danimarka. Ata sugjerojnë se çdo person çon dëm deri në 500 kalori nga ushqimet në ditë.
Nëse nuk do të kishim shpenzim të kotë të ushqimit, mund të ushqeheshin 5 njerëz në vend të 4 të tillëve.
Studimi zbuloi se shpenzimi i kotë i ushqimit rritet me rritjen e parave në xhepat tanë, duke arritur dyfishin e niveleve që mendonim më parë.
Reduktimi i humbjes së ushqimit është një nga sfidat kyç në luftimin e ndryshimeve klimatike. Ushqimi i shpenzuar kot përbën rreth 10% të të gjithë emetimeve të gazrave serë, sipas BE.
Kështu, reduktimi i ushqimit të humbur, jo vetëm që është diçka pozitive për konsumatorët por edhe për vetë planetin. Studiuesit e analizuan në detaje çështjen e shpenzimit të ushqimit, duke përdorur të dhëna nga FAO, Banka Botërore dhe Organizata Botërore e Shëndetësisë (OBSH).
Humbja e ushqimit është më shumë problem i vëndeve më të pasura, por po rritet shpejt edhe në vendet më të varfra. Me ushqimet që këmi momentalisht në guzhinat tona mund të ushqejmë pesë persona në vend të katër, nëse nuk shpenzijmë ushqim pa kriter.
Ndryshimi i sjelljes
Studiuesit këshilluan disa zgjidhje të thjeshta për të reduktuar humbjen e ushqimit, si për shembull reduktimi i madhësisë së porcioneve.
Një ndryshim tjetër mund të jetë inkurajimi i blerësve që të blejnë “mjaftueshëm” ushqim dhe jo me tepricë, me mendimin se mund të blesh më shumë nëse lind nevoja. Dhe ushqimi duhet të vlerësohet më shumë në shoqërinë në përgjithësi.
Studimi, i publikuar në revistën “Plos One”, nuk përfshinte humbjen e ushqimit gjatë procesit të prodhimit, para se të arrijë te konsumatori.
Burimi: BBC
