Në një tabelë nga të dhënat e Organizatës për Agrikulturë dhe Ushqim (FAO) e Kombeve të Bashkuara, rezulton se Shqipëria në vitin 2011 zinte vendin e dytë në botë për konsumin e qepës (konsum kg për frymë).
Qepa mund të cilësohet me të drejtë si ushqimi i vetëm që rritet në të gjithë botën dhe gjithashtu përdoret në çdo kuzhinë.
Pjesëmarrja e saj në gatim daton para mijëvjeçarësh, në librat më të vjetër të njohur të kuzhinës. Nga të dhënat tregohet se në kohën e Mesopotamisë, në kuzhinën e tyre nuk njihej vetëm qepa, por edhe preshi e hudhra.
Qepa është ushqimi më i kudogjendur. Janë të paktën 175 vende që prodhojnë qepë, të paktën dyfish i atyre që prodhojnë grurë. Dhe ndryshe nga gruri, qepa është shumë e përdorur në kuzhinë duke u cilësuar si një përbërës global.
Sot pak qepë ekspertohet. Rreth 90% mbulon nevojat e vendit të origjinës. Kjo mund të jetë edhe arsyeja pse në shumë vende nuk përmendet qepa. Kina dhe India mbizotërojnë në prodhim dhe konsum, pasi konsumojnë 45% të prodhimit vjetor botëror. Rritja e çmimit të qepës në vende të caktuara ka pasur ndikim edhe në rrëzimin e qeverisë.
Një ushqim tepër i shëndetshëm, qepa vazhdon të këshillohet për vetitë e saj.
