Alkooli
Alkooli s’e lejon trupin ta mbajë ushqimin aty ku duhet pasi ndikon në valvulën që lidh stomakun me ezofagun. Me fjalë të tjera është njësoj sikur ne vetë të dëshirojmë të vuajmë nga urthi.
Pijet e gazuara
Nuk ka asgjë më acide dhe dëmet që shkakton janë të mëdha, pa përmendur presionin e ushtruar në stomak nga gazi.
Çokollata
Duhen evituar sidomos ushqimet e pasura me yndyrna, kafeinë e teobrominë, që favorizojnë prodhimin e acidit në stomak dhe vonojnë tretjen.
Djathrat
Si të gjithë ushqimet me yndyrë, duhet evituar. Por nëse nuk i shpëtoni dot tundimit, do të ishte më mirë të preferonit djath kaçkavall, që ndikon më pak në stomak.
Frutat e thata
Kur bëhet fjalë për problemet e stomakut, nuk ekzistojnë yndyrnat e mira dhe as ato të pangopura, që në fakt ndodhen me shumicë te frutat e thata. Për të bërë një listë, është mirë të evitohen arrat, lajthitë, kikirikët, ndërsa fistiqet dhe bajamet nuk janë aq keq.
Agrumet
Aciditeti i tepërt në këto fruta i bën që të jenë zgjedhja më e keqe për natën, sidomos kur janë lëngje të shtrydhura.
Kafja
Në këtë rast rreziku qëndron tek kafeina që rrit aciditetin në stomak. Ndoshta është mirë të zgjidhni një kafe pa kafeinë, që ka nivele më të ulëta aciditeti.
