Përshtati në shqip: Blertina Koka
Ka ndërruar jetë në moshën 94 vjeçare Earl E. Bakken, inxhinieri elektrik që shpiku në vitin 1950 pacemakerin e parë që vendoset në trup, një shpikje që ka shpëtuar miliona jetë njerëzish. Bakken është një nga themeluesit e kompanive më të mëdha në botë për prodhimin e pajisjeve mjekësore, Medtronic, një bashkim i fjalëve “mjekësi” dhe “elektronik”.
Në vitet e para të krijimit të kompanisë, Bakken së bashku me kunatin e tij riparonin televizorë dhe pajisjet spitalore.
Ndërsa më vonë Medtronic është njohur si një ndër kompanitë më të mëdha për krijimine pacemaker-ave, gjeneratori i sistemit elektrik në zemër, i cili përdoret nga personat me çrregullime të ritmit të zemrës.
Në vitin 1958, mjeku kardiolog C. Walton Lillehei i kërkoi Bakken të krijonte një pacemaker me bateri që mund të mbante në jetë bebet me çrregullime të rrahjeve të zemrës. Deri atëherë, pacientët me çrregullime të rrahjeve të zemrës duhet t’i vendosnin pajisjet për zemrën në prizat e murit, duke ua kufizuar kështu lëvizjen.
Burimi: Washington Post / Shendeti.com.al
