Denisa Canameti
Pranë Poliklinikës Qendrore, Tiranë
Në rrugët e kryeqytetit, por jo vetëm, qentë e rrugës po kthehen në një problematikë shumë shqetësuese për qytetarët. Këta të fundit shprehen tejet të trembur, ndërsa kthehen me frikë nëpër shtëpi. Duket se qytetarët dhe qentë po mësojnë të bashkëjetojnë midis tyre. Nga kjo foto e shkrepur afër Poliklinikës Qendrore tregohet qartazi situata gati-gati absurde në rrugët e Tiranës.
Të kontaktuar nga gazeta “Shëndet+” mjekët infeksionistë shprehen se sigurisht që ekziston një rrezik jo i vogël i marrjes së ndonjë sëmundjeje nga kafshimi i qenve.
Në kushte të tilla, gazeta “Shëndet+” i bën thirrje Bashkisë së Tiranës që ta shikojë këtë çështje me seriozitetin më të madh. Për më tepër që para disa javësh u denoncua mungesa e tetanozit në spitale, gjë që do të komplikonte akoma më shumë situatën në rast sulmi.
