Kryefaqja Lajme te tjera Si aplikohen teknikat e fizioterapisë për dhimbjen e kokës?

Si aplikohen teknikat e fizioterapisë për dhimbjen e kokës?

0
Shpërndaje

Petrit Drini, fizioterapist

Disa teknika të fizioterapisë që përdoren për trajtimin e dhimbjes së kokës, ndihmojnë për të reduktuar dhimbjen.
Pacientët mund të mësohen se si të ushtrojnë metoda të ndryshme. Dhimbjet e kokës
me natyrë migrene mund të shkaktojnë një ndjesi tensioni dhe shqetësimi në qafë. Edhe pse tensioni mendohet të jetë shkak sekondar për migrenën, ushtrimet e tërheqjes mund
të jenë të dobishme për të reduktuar disi shqetësimin.
Në mënyrë që të identifikohen disa nga faktorët e dhimbjes së kokës që lidhen me
sistemin muskulor-skeletor, duhet bërë një vlerësim i plotë i qafës dhe pjesës së sipërme të kurrizit për të gjetur më pas trajtimin e duhur.

Disa nga metodat e trajtimit përfshijnë:

  • Mobilizimin e artikulacioneve: Teknikat pasive të lëvizjeve që kanë për qëllim të rikthejnë lëvizjet e plota pa dhimbje dhe lëvizjen e përgjithshme të qafës.
  • Tërheqjet: Një program i rregullt i tërheqjeve është thelbësor në mirëmbajtjen e fleksibilitetit të muskujve të qafës që ndihmon në maksimizimin e funksioneve të saj.
  • Forcimi: Problemet e vazhdueshme të qafës shpesh lidhen me dobësimin e muskujve postural dhe mbështetës në qafë dhe kurriz (koka e nxjerrë përpara + shpatullat e kërrusura = muskuj të dobët postural)
  • Masazhi/çlirimi i pikave të tensionit: Muskujt e shkurtuar shpesh kanë “pika tensioni”
    që mund të bëhen shkak i dhimbjes. Relaksimi ose çlirimi i këtyre zonave të tensionuara
    mund të përmirësoj funksionin e muskujve të qafës.
  • Trajtime me anë të aparaturave:
    Nxehtësia, TENS ose Stimulimi Elektrik i Muskujve mund të përdoren shpesh së bashku
    me teknikat manuale për të çliruar një pjesë të dhimbjes dhe tensionit në muskuj.

LËR NJË MESAZH

Please enter your comment!
Please enter your name here