Në një moment fëmija juaj është shumë i ëmbël, i dashur, ju kërkon që të rrini e të diskutoni me të. Pastaj, papritur, një ditë tjetër fillon t’ju trajtojë si mos më keq, duke mos marrë në konsideratë asgjë që thoni. Shumë adoleshentë e ndiejnë të nevojshme që të kundërshtojnë çdo gjë që prindërit e tyre u thonë, në mënyrë që të krijojnë identitetin e tyre.
Gjithashtu adoleshentët janë më të lidhur me shoqërinë dhe në këtë moshë krijohet një distancim nga prindërit.
Zgjidhja juaj
Shpesh prindërit ua kthejnë me të njëjtën monedhë fëmijëve, por kjo nuk është zgjidhje. Fëmijët edhe në këtë moshë kanë nevojë për mbështetjen e prindërve, pavarësisht se nuk e pranojnë. Ju si prindër duhet të përpiqeni të ruani qetësinë dhe të zbusni sadopak rebelimin e fëmijës, i cili kalon nga mosha 16 apo 17 vjeç. Duke ua bërë të ditur fëmjëve që pavarësisht sjelljes së tyre, ju jeni aty për ts, kjo do të rrisë besimin ndaj jush.
