Përgjigjja nga mjeku Dorian Shehi:
Sëmundjet e mishrave të dhëmbëve më të përhapura janë perodontale. Një nga shkaqet kryesore të këtyre problemeve është higjiena e keqe e gojës. Nga higjiena e keqe e gojës krijohen ato pllakat, pra gurëzat, siç i kemi dëgjuar. Këto nuk janë gjë tjetër veçse mbeturina ushqimore të forcuara, të cilat në vetvete kanë dhe baktere. Këto dëmtojnë mishrat dhe kockën. Mishrat bëhen me gjak dhe dhëmbi mund të lëvizë. Një gjë e tillë nënkupton që të mos kemi probleme duhet të tregojmë kujdes me higjienën e gojës, duke larë dhëmbët rregullisht. Gjithashtu, duhet bërë një pastrim profesional tek dentisti.
