Dieta: përsa i përket dietës rekomandohet marrja e ushqimeve që shkaktojnë më pak gaz. Por kjo për disa njerëz do të thotë ndërprerje e ushqimeve të shëndetshme si: frutat dhe zarzavatet, drithrat, qumështi dhe produktet e tij. Mund të sugjerohet limitimi i ushqimeve të pasura me yndyrë pasi kjo e ndihmon stomakun të boshatiset më shpejt duke lejuar gazet të kalojnë në intestinin e hollë.
Fatkeqësisht sasia e gazit që prodhohet nga marrja e ushqimeve të ndryshme ndryshon nga një person te tjetri.
Medikamentet : janë të nevojshme për të ndihmuar reduktimin e simptomave duke përfshirë antiacidet me simetikonë dhe karbon aktiv që ndikojnë në përthithjen e gazrave të pranishme në lumenin e zorrës por edhe në stomak. Po kështu enzima digjestive si suplementet e laktozës ndihmojnë digjestionin e karbohidrateve dhe mund të lejojnë njerëzit të konsumojnë normalisht ushqime që shkaktojnë gaz.
Antiacidet si Maalox II, Di-gel, Maalox plus përmbajnë simetikone i cili është një agjent shkumëzues që bashkon fluskat e gazit në stomak duke ndikuar që ky gaz të jetë më i lehtë për t’u nxjerrë. Megjithatë këto medikamente nuk kanë efekt në gazin intestinal (që ndodhet në zorrë)
Doza e rekomanduar është 2-4 lugë e preparatit me simetikon ½ – 2 orë pas ushqimit.Tabletat e karbonit aktiv mund të japin përmirësim të gazrave në zorrë. Studimet kanë treguar se kur merret para dhe pas ushqimit karboni aktiv çon në reduktim të gazrave. Dozat e rekomanduara janë 2-4 tableta para ngrënies dhe 1 orë para ushqimit.
Enzima laktaze që ndihmon digjestionin e laktozës është e vlefshme dhe gjendet në formë lëngjesh ose tabletash si Lactacid, Lactraze.
Rekomandohen medikamente që ndihmojnë reduktimin e simptomave veçanërisht për persona me çrregullime të motilitetit intestinal siç është IBS ( sindromi i zorrës së irrituar).
Medikamente prokinetike si metoclopramidi (reglan) mund të lëvizin gazin nga trakti gastro-intestinal me shpejtësi.
Vetë personat që vuajnë fryrjen abdominale nga gazrat duhet të kujdesen për reduktimin e ajrit të gëlltitur dhe këto përfshijnë eleminimin e çamcakizave, eleminimin e cigareve, ngrënien dhe pirjen e ngadaltë sidomos jo me shishe sepse sasia e ajrit të gëlltitur është më e madhe dhe eleminimi i ushqimeve me përmbajtje karbohidratesh.
