Pundra nuk përdoret vetëm për të mbajtur të butë lëkurën e bebeve. Njihuni me fushat ku gjen përdorim ky produkt:
Për flokë të yndyrshëm: shumica e shampove të thata përmbajnë niseshte prandaj dhe efekti që jep pudra është i njejtë. Aplikoni pak pudër në duar dhe më pas masazhoni skalpin e kokës. Yndyra e tepërt do të përthithet shumë shpejt.
Në një natë të nxehtë: mund të spruconi pak pudër tek çarçafët, në këtë mënyrë djersa do të thithet më lehtë dhe do të ndjeheni më të freskët.
Eliminoni njollat e vajit: nëse mbi bluzën tuaj ka rënë pak vaj, përpara se ta vendosni për të larë aplikoni pak pudër mbi njollën.
Aplikojeni mbi qerpikë: nëse doni qerpikë të gjatë dhe me volum aplikoni pak pudër mbi to para se të përdorni rimelin. Është tepër efektive.
Përdoreni për këmbët e djersitura: aplikoni një sasi të vogël pudre brenda këpucëve dhe në këtë mënyrë do të evitoni djersitjen e këmbëve.
Kur lani enët: vendosni pak pudër tek duart dhe më pas vishni dorezat. Duart do të qëndrojnë të buta./Marie Claire/ Elena Beta
