Shpeshherë teknologjia celulare mund të përdoret për të mbushur boshllëkun që çdokush ndjen herë pas here. Një përfundim i tillë jepet nga Samiti Botëror të Inovacionit në Shëndetësi.
Në Mbretërinë e Bashkuar 1 në 4 persona përjetojnë probleme të shëndetit mendor. Këto sëmundje shpesh mund të jenë të pashërueshme duke i lënë njerëzit me pasoja për gjithë jetën.
Stërvitja, meditimi, praktikimi i artit shpesh shihen si rrugëzgjidhje për këto probleme. Por, a ka mënyra të tjera alternative për kurimin e problemeve mendore?
Telefonët celularë na shoqërojnë gjatë gjithë ditës. Megjithatë, pak prej nesh e dinë që nga celularët mund të shkarkohen programe të ndryshme terapeutike.
Telefoni celular mund të përdoret gjithashtu për të bërë terapi në grup. Edhe pse nuk je i pranishëm, pacientët mund të marrin një mbështetje e madhe, madje edhe shërim.
Një shembull vjen nga kompania suedeze “Tool Shop”, e cila ka krijuar një program të quajtur “Viary” për njerëzit e prekur nga depresioni. Ky program vëzhgon pacientët gjatë aktivitetit ditor dhe në këtë mënyrë terapisti njihet me problemet e pacientit duke e ndihmuar në zgjidhjen e tyre.
Një studim për këtë aplikim është realizuar në Suedi në vitin 2013, mbi 38 pjesëmarës me depresion, duke treguar potencialin që kanë këto teknologji për trajtimin e sëmundjeve të shëndetit mendor.BBC
