Shumica prej nesh janë të vetëdijshëm se një qëndrim pozitiv mund të përmirësojë shëndetin dhe mund të përshpejtojë shërimin nga sëmundjet. Një studim i hershëm në këtë fushë tregon se mbajtja e një lapsi horizontalisht në mes të dhëmbëve aktivizon të njëjtët muskuj që aktivizon dhe procesi i buzëqeshjes, duke dërguar sinjale kënaqësie në trurin tonë. Ndërsa ata që kanë botoks të injektuar në fytyrë, nuk përfitojnë shumë prej kësaj. Psikologia Alice Haddons shpjegon lidhjen që ekziston mes muskujve dhe mendjes duke dhënë disa këshilla:
Bëni një dush të nxehtë nëse ndiheni të vetmuar
Studimet tregojnë se dushi i nxehtë eliminon ndjenjën e vetmisë dhe izolimit social. Gjithashtu, konsumimi një filxhani kafeje të nxehtë, ndihmon të shikoni me pozitivitet sjelljet e të tjerëve.
Tendosni muskujt nëse keni nevojë për energji
Një studim interesant ka treguar se nëse tendosni muskujt, keni më shumë mundësi për t’i rezistuar një ushqimi joshës.
Hapni krahët nëse ndjeni dhimbje
Psikologët tregojnë se, nëse qëndroni me krahë të hapura dhe këmbë të shtrira, do të mposhtni dhimbjet dhe do të ndjeheni më mirë.
Ecni të lumtur për të çuar në mendje mendimet pozitive
Ka shumë mundësi të mendoni për gjërat pozitive nëse ecni me shpatulla mbrapa, kokën drejt dhe plot gjallëri, thonë psikologët.
Kryqëzoni krahët për të stimuluar këmbënguljen
Provoni procesin e kryqëzimit të krahëve nëse jeni përpara një detyre të vështirë. Studimet tregojnë se do të keni më shumë mundësi t’ia dilni nëse e bëni këtë veprim.
Qëndroni shtrirë për të rritur krijimtarinë
Studimet tregojnë se njerëzit mund të zgjidhnin lehtësisht një kuic nëse qëndronin shtrirë në krahasim me ata që qëndronin në këmbë.
Qetësoni trupin për të marrë vendime të mira
Mbajtja e trupit në gjendje relaksi ju ndihmon të merrni informacion të ri dhe vendime të mira.
Mbani syze dielli dhe do të ndiheni më pak të zemëruar
Një studim ka treguar se njerëzit që ecin në drejtim të diellit pa përdorur syze, kanë më shumë gjasa për të shprehur zemërimin krahasuar me ata që përdorin syze.
Kërceni për t’u ndier më të lumtur
Sipas studimeve, duke kërcyer do të ndiheni më të lumtur.
Harper Bazaar/Përgatiti: Elena Beta
