Udhëzuesi që standardizon rregullat kombëtare me ato të OBSH-së u hartua nga Ardian Xinxo, Marcel Dubouloz, Petro Mersini, Dhimitër Kraja, Edmond Zaimi, Fatos Olldashi, Arjan Harxhi, Pëllumb Pipero, Gazmend Bejtja dhe tashmë është në fuqi dhe jep edhe skemën e përgatitjes dhe reagimit edhe në rast pandemie të krijuar nga virus shkatërrues.
Udhëzuesi jep skemën se si spitalet dhe strukturat e shëndetësisë mund të menaxhojnë incidentet që nga niveli i ulët, mesëm dhe të lartë.
Sipas këtij udhëzuesi planifikimi dhe përballimi i emergjencave civile në sektorin shëndetësor drejtohet nga Ministria e Shëndetësisë. Pranë saj funksionon Komisioni i Posaçëm që ka rol përgatitës ndaj Emergjencave Civile.
Ai drejton përgatitjen e politikave, strategjive, projekteve dhe programeve të menaxhimit të rrezikut dhe të emergjencave në rrafshin shëndetësor. Miratimi i planeve të emergjencave është një nga detyrat e rëndësishme të këtij Komisioni.
Mbledhja e tij bëhet sipas nevojave në mbështetje të programeve, aktiviteteve që lidhen me planifikimin e emergjencave civile.
Një tjetër hallkë e rëndësishme në rast emergjencash shëndetësore është njësia për Planifikimin dhe Përballimin e Emergjencave Civile (PPEC). Kjo njësi mban lidhje të vazhdueshme me strukturat dhe institucionet e sektorit shëndetësor si dhe me institucionet e tjera të vendit dhe tëhuaja jashtë tij.
Grupi Operacional i Menaxhimit të Fatkeqësive në Ministrinë e Shëndetësisë drejton të gjitha aktivitetet e përgjigjes të sektorit shëndetësor në kushtet e një fatkeqësie. Në këtë proces ai luan rol organizativ, komandues, koordinues dhe informues. Monitorimi i të gjitha aktiviteteve të përgjigjes të sektorit shëndetësor është gjithashtu një detyrë e tij. Në nivel qarku dhe rrethi funksionojnë komisionet e PPEC, pranë çdo qarku, rrethi dhe institucioni shëndetësor. Ato janë struktura që drejtojnë përgatitjen e emergjencave në vartësi të modelit të riskut dhe kapaciteteve që ato kanë.
Plani i emergjencave duhet të fillojë me dokumentin e autorizimit të Planit. Dokumenti duhet të miratohet dhe firmoset nga Drejtori Spitalit dhe Drejtori i Drejtorisë së Politikave Spitalore në Ministrinë e Shëndetësisë dhe miratimit nga Komisioni i Posaçëm pranë kësaj Ministrie.
Autorizimi përmban dhe qartëson elementët e mëposhtëm:
-Menaxhimin e Alarmit;
-Aktivizimin e sistemi të komandës, mekanizmit të komunikimi dhe menaxhimit të informacionit;
-Vlerësimin e shpejtë të dëmeve, identifikimin e problemeve, kapaciteteve aktuale, nevojave prioritare dhe rrugëve të sigurimit të tyre;
-Kujdesin optimal ndaj viktimave;
-Role të përcaktuara të strukturave drejtuese dhe vend-ndodhjen e tyre;
-Role dhe përgjegjësitë e përcaktuara për personelin kryesor;
-Administrimin e situatës mbështetur në Zonat kyçe
-Vënjen në dispozicion të ambienteve për shërbime të veçanta;
-Trajnimin e duhur të personelit së bashku me partnerët e tjerë.
Burimi: Monitor
