Përshtati në shqip për “shendeti.com.al”: D.Bardhi
Njollat e rrobave më të vështirat për t’u hequr janë njollat që shkaktohen nga vera, hurmat, çokollata apo përbërës të tjerë që hiqen me vështirësi apo nuk hiqen fare.
Ja disa mënyra praktike natyrale si të hiqni njollat e vështira nga rrobat apo divanat:
Sodë buke dhe peroksid hidrogjeni: në një shishe sprucuese hidhni 1 filxhan peroksid hidrogjeni dhe 1 lugë gjelle sodë buke. Sprucojeni lëngun e krijuar mbi njolla dhe lëreni për 2-4 minuta. Më pas shpëlajeni rrobën me ujë të ngrohtë. Kujdes, peroksidi i hidrogjenit është një agjent zbardhues prandaj nuk duhet lënë shumë minuta mbi rroba.
Verë të bardhë: nëse rrobat ju janë bërë me njolla vere të kuqe, spruconi mbi to pak verë të bardhë të holluar me ujë dhe lajini më pas rrobat me detergjent dhe ujë të ngrohtë.
Uthull molle dhe sapun: rrobat me njolla fërkojini me sapun të bardhë dhe më pas hidhini 1 lugë gjelle uthull molle mbi njollë. Lëreni të veprojë për disa minuta dhe më pas lajini rrobat si zakonisht.
Burimi: Porch.com
