Këmbët e bukura janë pjesë e rëndësishme e imazhit. Shpeshherë kur këmbët janë të plasaritura dhe të ashpra krijojnë vështirësi në veshjen e këpucëve të preferuara, prandaj ne ju japim disa këshilla se si ta evitoni këtë gjë.
Soda e bukës ka veti antiseptike dhe ka efekt qetësues për thembrat. Kushton pak dhe është tepër e efektshme. Me ndihmën e saj mund të arrini të keni këmbë të buta pa qenë nevoja të frekuentoni qendrat estetike.
Për këtë procedurë do t’ju nevojiten: 3 lugë sodë buke dhe 3-4 litra ujë. Hidheni sodën në ujë dhe vendosni këmbët 15 -20 minuta. Më pas fërkojini me gurin e posaçëm për thembrat.
Aplikoni pak vazelinë, vishni çorape pambuku dhe kaloni natën pa i hequr. Do të vini re ndryshim që ditën e parë. Përsëriteni këtë procedurë pas një pauzë prej 7 ditësh, bëni 3 trajtime në total. Gjithashtu, mund të shtoni pak kripë në masën e krijuar, kjo do të shërbejë për të larguar papastërtitë nga këmbët./Health Magazine/Përgatiti: Elena Beta
