Çdo grua dëshiron që të ketë një formë fizike të përkryer gjatë gjithë jetës. Fatkeqësisht, kjo gjë nuk është e mundur në shumicën e rasteve. Rënia e gjoksit është një proces i natyrshëm që ndodh në njëfarë moshe kur gjoksi e humbet përkulshmërinë dhe elasticitetin e tij.
Cilat janë shkaqet e rënies së gjoksit?
Muskujt, yndyra, indet lidhëse dhe gjendrat e qumështit janë disa nga faktorët që ndikojnë në rënien e gjoksit. Zakonisht ky 
fenomen ndodh pas të 40-ave, por nuk përjashtohen rastet që mund të ndodhë dhe më herët. Sipas studimeve të ndryshme, është e natyrshme që kur një grua arrin të 30-at e më vonë lëkura bëhet më e lirshme dhe fillojnë shenjat e plakjes. Shtatzënia është një faktor tjetër që ndikon në rënien e gjoksit. Përveç këtyre, shkaktarë të tjerë mund të përmendim menopauzën, humbjen apo marrjen e peshës në mënyrë të shpejtë, mangësitë ushqyese, veshja e sutjenave të ngushta etj.
Disa këshilla për të mënjanuar rënien e gjoksit:
- Mbani një peshë optimale
Lëkura, sidomos gjoksi kumbet elasticitetin kur humbisni peshë, sepse humbet masë yndyrore në një mënyrë të shpejtë dhe zona e gjoksit është më problematikja lidhur me këtë fakt.
- Pini shumë ujë
Lëkura dhe qelizat e saj janë të përbëra kryesisht nga uji. Mungesa e ujit e bën lëkurën të duket më e tkurrur dhe pa jetë. Kur nuk pini ujë në mënyrë të mjaftueshme mund të çojë në plakjen e parakohshme të lëkurës dhe humbet qëndrueshmëria e saj.
- Ushqehuni mirë dhe bëni ushtrime për ngritjen e gjoksit
Kombinoni ushqim të shëndetshëm dhe stërvitje për muskujt e gjoksit në mënyrë që të mbani një peshë të qëndrueshme. Ushqimet proteinike forcojnë muskujt e gjoksit dhe i japin qëndrueshmëri atij.
- Mos mbani sutjena të ngushta
Zgjidhni masën e përshtatshme për gjoksin tuaj. Sutjenat me numër të vogël ngushtojnë enët e gjakut rreth gjoksit dhe e dëmtojnë atë.
Përshtati në shqip për “Shëndet+”: Daniela Bardhi
