Sot jemi të pasigurt për ushqimet që blejmë dhe konsumojmë. Vazhdimisht është dhënë alarm nga konsumatorët për abuzime të ndryshme me produkte vendase, por edhe të importuara.
Ndonëse qeveria ka paralajmëruar heqje lirie deri në 15 vjet për ata që abuzojnë me cilësinë ushqimore e rrezikojnë jetën dhe shëndetin e të tjerëve, vazhdojnë të denoncohen raste abuzive.
Së fundmi moderatorja shqiptare Fiori Dardha ka bërë një denoncim të cilin e ka shpërndarë me ndjekësit e saj në Instagram, ku ka publikuar foton e një shalqiri të sapo blerë.
“E të mendosh që ky shalqi është servirur si produkt organik nga shitësi. Tmerr. Po na vrasin! Zot, ku jetojmë. Mjerë ne”, shkruan Fiori.
Ky shalqi i shitur si produkt organik, jo vetëm që nuk ka asnjë vlerë ushqyese, por është i tejngopur me pesticide, që janë të rrezikshme për ata që i konsumojnë./ Shendeti.com.al
