Simptomat e stresit mund të ndikojnë në shëndetin tuaj edhe pse ndoshta ju s’e keni kuptuar një gjë të tillë. Mund të mendoni se fajin për dhimbjen tuaj të kokës, pagjumësinë apo rënien e dëshirës për punë e ka një sëmundje. Por pas gjithë këtyre mund të fshihet stresi.
Simptomat e zakonshme të stresit:
Në fakt, simptomat e stresit mund të ndikojnë trupin tuaj, mendimet dhe ndjenjat, si dhe sjelljen. Të qenët i aftë të njohësh simptomat e zakonshme të stresit, të jep mundësinë që edhe t’i kontrollosh ato. Stresi i pakontrolluar mund të sjellë probleme shëndetësore si tensioni i lartë i gjakut, sëmundjet e zemrës, obezitet dhe diabet.
Efektet e zakonshme të stresit në:
trupin tuaj: dhimbje koke, tension muskujsh ose dhimbje muskujsh, dhimbje kraharori, lodhje, ndryshim të dëshirës seksuale, acarim stomaku, probleme me gjumin
në humorin tuaj: ankth, mungesë qetësie, mungesë motivimi apo përqendrimi, acarim dhe inat, mërzi dhe depresion
në sjelljen tuaj: shtim ose pakësim i oreksit, shpërthim inati, abuzim me drogën ose alkoolin, abuzim me cigaren, tërheqje nga jeta shoqërore
