Përshtati në shqip për gazetën “Shëndet+”: D.Bardhi
Veshkat janë organe shumë të rëndësishme në trup, ato heqin mbeturinat dhe toksinat nga trupi përmes urinës dhe ndihmojnë në filtrimin e gjakut. Nëse këto toksina e mbeturina nuk arrijnë të dalin jashtë trupit atëherë veshkat e humbasin funksionin e rregullt të tyre dhe formojnë gurë apo dëmtohen.
Veshkat shfaqin disa simptoma kur dëmtohen, ja disa prej tyre:
Infeksionet: infeksionet e shpeshta urinare janë një sinjalizues i zakonshëm i problemeve me veshkat. Nëse këto infeksione shoqërohen me dhimbje dhe ethe, problemet mund të rezultojnë edhe më të mëdha.
Ndryshimet në urinim: ngjyra shumë e errët e urinës dhe aroma e fortë e saj tregojnë për probleme me veshkat gjithashtu.
Dhimbje të veshkave: gurët në veshka shkaktojnë dhimbje të cilat e shtojnë intensitetin e tyre me kalimin e kohës. Dhimbjet në organet gjenitale, ije, pjesën e fundit të kurrizit etj mund tregojnë për gurë në veshka gjithashtu.
Gjak në urinë: kjo është një tjetër simptomë që mund të tregojë probleme me veshkat, në këtë rast duhet të konsultoheni me mjekun patjetër.
Urinim i shpeshtë: nevoja e shpejtë dhe e shpeshtë për urinim janë dy nga simptomat më të zakonshme të problemeve me veshkat.
Të vjella dhe të përziera: kur trupi nuk është i aftë t’i nxjerrë toksinat dhe mbeturinat jashtë çojnë në nxjerrjen e tyre përmes të vjellave.
Burimi: Web MD
