Bëmat në sektorin e shëndetësisë nuk paskan të sosur. Para dy ditësh gazeta “Shëndet+” publikoi disa foto që tregojnë se si i sëmuri transportohet nga shtëpia në spital bashkë me dyshekun. Në mungesë të ambulancës, pacienti është transportuar për në Qendrën Spitalore Nënë Tereza me një mjet të zakonshëm. (lexo këtu)
Vetëm një ditë më vonë, emisioni investigativ “Stop” publikoi një video ku shihet një tjetër pacient duke u transportuar në mënyrë skandaloze. Ndryshe nga rasti i parë, këtu i sëmuri transportohet me ambulancë, por…mungon barela. Për shkak të mungesës së barelës, personi i sëmurë është futur në ambulancë bashkë me karrigen e lokalit ku ishte ulur.
Kur shikon raste të tilla, e vetmja pyetje që të vjen ndërmend është: Si është katandisur kështu shëndetësia shqiptare?!
