Në redaksinë e Jeta Osh Qejf ka mbërritur ditën e djeshme një video e regjistruar në ambientin e Spitalit Psikiatrik të Tiranës.
Në pamjet e regjistruara nga një grup studentësh të Universitetit të Mjekësisë, shihet se si disa vajza dhe një djalë vënë në lojë një grua me probleme të theksuara mendore.
Videoja me sa duket është regjistruar nga studentët gjatë orës së praktikës së tyre në spital. Ndërkohë që djali filmon pamjet, tre vajzat ngacmojnë dhe provokojnë gruan. Në një moment të videos, dëgjohet në sfond dhe një tjetër grua e cila i kërkon grupit të të rinjve të mos vazhdojnë me ngacmimet.
Sipas raportuesit këto janë ngjarje të shpeshta që ndodhin në këtë spital dhe askush nuk merr asnjë masë për sigurinë e këtyre të sëmurëve të gjorë.
