Ministri i Shëndetësisë Ilir Beqaj, i pyetur nga gazetari Ilir Babaramo për skandalin e ndodhur në QSUT së fundmi, si dhe për vdekjen e Doktor Florit, u 
shpreh se në asnjërin rast nuk shikon ndonjë përgjegjësi tek stafi mjekësor, i cili, sipas tij, ka dhënë gjithë shërbimin e kërkuar.
Sipas Beqajt, problemi më i madh në rastin e ngacmimit seksual, ishte fakti se pse një punonjës i shërbimit funeral ndodhej pranë vajzës, në një kohë që nuk ofroi asnjë lloj zgjidhjeje për këtë problem.
Për rastin e Doktor Florit, ministri sërish u shpreh se fajin e kishin pasur familjarët, të cilët nuk ishin treguar “të qartë” me stafin shëndetësor lidhur me situatën në fjalë.
Sa për premtimet për shëndetësinë falas, Beqaj tha se ky premtim vazhdon të jetë një nga angazhimet kryesore të qeverisë. Por për realizimin nuk u dha asnjë afat, pasi, sipas ministrit, “para se të shkojmë te ky lloji sistemi, duhet të rregullojmë ca pjesë kryesore të sistemit të shëndetësisë”.
