Blerina Bombaj, dietologe
Somatopauza quhet ulja drastike e hormonit të rritjes pasi kalojmë moshën 30-vjeçare. Ky hormon është i lidhur me aftësitë rritëse dhe rigjeneruese të 
trupit, me shtimin dhe mirëmbajtjen e masës muskulare dhe kontrollin e masës dhjamore. Ulja e prodhimit të hormonit të rritjes lidhet me humbje të masës muskulare dhe rritje të masës dhjamore.
Nëse doni të frenoni uljen e hormonit të rritjes duhet të rrisni aktivitetin fizik, atë intesivin për fragmente të shkurtra kohore! Mjaftojnë 7 minuta ushtrime të intensitetit të lartë, të alternuara me pauza të vogla për të parandaluar rënien drastike të hormonit të rritjes.
Por kujdes: aktiviteti fizik dhe gjumi janë dy mënyrat më të shëndetshme për të përfituar nga rritja e prodhimit të brendshëm të hormonit të rritjes. Suplementet e reklamuara shpesh nuk rekomandohen sepse efektet anësore janë të rëndësishme me atë kryesorin: shkurtimin e jetës!
