Kryefaqja Aktualitet Specat, njihni vlerat ushqyese

Specat, njihni vlerat ushqyese

0
Shpërndaje

Përgatiti për Gazetën Shëndet Plus, Nutricionistja: Francesca Basha

Kur specat me variacionet e tyre në ngjyra shfaqen në treg, e kuptojmë se vera me të vërtetë ka mbërritur! Le të zbulojmë vetitë e kësaj perime.

Specat janë perime që i përkasin familjes së madhe Solanaceae, e njëjta që përfshin domatet, patëllxhanet dhe patatet. Kjo familje megjithatë përfshin specie të shumta, për këtë arsye specat dhe patatet, për shembull, nuk janë aq të ngjashme me njëri-tjetrin.

Bima e specit është vendase në Amerikën e Jugut, megjithëse kultivimi i saj është praktikisht përhapur në të gjithë botën. Sigurisht, preferon klimat e nxehta dhe ngjyrat e saj na kujtojnë sezonin e verës, në fakt ka speca jeshile, të verdha, të kuqe me nuanca të ndryshme të ndërmjetme. Ekzistojnë gjithashtu forma të ndryshme, nga ato të mëdha dhe të rrumbullakëta deri tek ato të gjata dhe të hollë dhe, natyrisht, ka speca të ëmbël dhe pikante. Le të hedhim një vështrim më të afërt në vetitë e specave.

Specat: kalori dhe vetitë ushqyese

Specat kanë një përmbajtje mjaft të ulët kalorike, prej rreth 27 kalori për 100 gram, të cilat sidoqoftë mund të ndryshojnë sipas shumëllojshmërisë: specat jeshilë, në të vërtetë, sjellin 20 kcal për 100 gram dhe specat e kuq rreth 30 kcal . Për specat e verdhë përmbajtja e kalorive për 100 gram është afërsisht 26 kcal. Kjo ndryshim varet nga fakti se specat jeshil në të vërtetë paraqesin një formë më të papjekur të perimeve, e cila për këtë arsye përmban më pak karbohidrate dhe më shumë ujë. Në përgjithësi, specat përmbajnë shumë ujë, pak proteina dhe yndyrna praktikisht zero, por ato kanë shumë minerale dhe vitamina, të cilat i bëjnë ato ushqime të vlefshme nga pikëpamja ushqyese. Në veçanti, specat janë të pasura me vitaminë C (100 gram speca na ofrojnë më shumë sesa sasia e rekomanduar ditore e vitaminës C), kalium, vitamin A dhe luteinë, një karotenoid që ofron disa përfitime për syrin. Më poshtë është tabela e vlerave ushqyese të specave.

Vlerat ushqyese per 100 gr speca
Kalori 26
Karbohidrate 4,2 gr
Yndyrna 0,3 gr
Proteina 0,9 gr
Fibra 1,9 gr
Ujë 92,8 gr
Hekur 0,7 mg
Kalcium 17 mg
Natrium 2 mg
Kalium 210 mg
Fosfor 28 mg
Vit C 151 mg
Vit B1 0,05 mg
Vit B2 0,07 mg
Vit B3 0,5 mg
Vit B5 0,25 mg
Vit A 139 mg
Vit E 0.65 mg

 

 

Referenca

 Antioxidant Activities of Different Colored Sweet Bell Peppers (Capsicum Annuum L.)

T Sun 1, Z Xu, C-T Wu, M Janes, W Prinyawiwatkul, H K No

 Analysis, Bioavailability, and Potential Healthy Effects of Capsanthin, Natural Red Pigment from Capsicum spp.

Suna Kim ,Tae Youl Ha &In Kyeong Hwang

 

 

LËR NJË MESAZH

Please enter your comment!
Please enter your name here