Denisa Canameti / Shëndet+
“Pashë në televizor urgjencën e spitalit, sa bukur dukej. Kur më ra halli ta provoj, m’u duk vetja si në stallë”.
Këto janë reagimet e njerëzve kur shikojnë fotot e spitaleve që qeveritarët postojnë në Facebook.
Pikërisht ditën e djeshme, ministri i Shëndetësisë Ilir Beqaj, i shoqëruar nga kryeministri Edi Rama, ministria e Mbrojtjes Mimi Kodheli, dhe drejtoresha e spitalit të QSUT-së, Ogerta Manastirliu, kanë shkuar në spitalin e Traumës për të promovuar një tjetër zhvillim me rëndësi në shërbimin tonë shëndetësor.
“Më në fund protezat do të ofrohen falas për të gjithë pacientët në nevojë dhe se makthi i blerjes së në proteze deri në 3000 mijë euro do të marrë fund”.
Ky status është shoqëruar me një sërë fotosh, të cilat tregojnë për një spital tejet modern, vërtet të rilindur.
Por, duket se qytetarët nuk e shohin realitetin njësoj si blici kryeministror.
Kështu, dhjetëra qytetarë kanë vërshuar në komente në profilin zyrtar në Facebook të kryeministrit, të cilat veç shqetësimit që shprehin për mungesat e protezave, shprehin habinë e tyre për pamjen e spitalit, e cila siç thonë ata nuk ka lidhje me realitetin.
Gazeta “Shëndet+”, po sjell minialbum fotosh nga spitali i Traumës, të cilat, për hir të së vërtetës, stonojnë pak me fotot e kryeministrit, jo për nga cilësia, por nga përmbajtja. / https://shendeti.com.al/
