Blertina Koka / Shëndet+
Në krye të spitalit të Durrësit tani është vënë një drejtor i ri, pasi drejtoresha e kaluar, Ardjola Frashëri, u shkarkua nga puna për shpërdorim detyre. Ky spital tani do të drejtohet nga Alban Ramohitaj, i cili është edhe kreu i Këshillit Bashkiak të qytetit të Durrësit.
Ramohitaj u emërua ditën e djeshme pasi u mbledh bordi i spitalit Rajonal të Durrësit, nën drejtimin e kryetarit të bordit, Petro Mersini, drejtor në Ministrinë e Shëndetësisë. Në mungesë të një drejtori, bordi i spitalit kishte kërkuar me ngut emërimin e një drejtori të ri.
Jo të gjithë mjekët e kanë përkrahur vendimin për emërimin si drejtor të zotit Rahomitaj, duke e konsideruar këtë emërim me ngjyrim politik./ https://shendeti.com.al/
