Denisa Canameti
Jo rrallëherë mjekët detyrohen të veshin bluza të bardha me logot e firmave farmaceutike. Kjo sepse shteti ka vite që nuk u jep përparëse të bardhë. Edhe pse kjo gjë është lehtësisht e evidentueshme, janë mjekët vetë ata që e dononcojnë fenomenin duke u 
shprehur të indinjuar për faktin se “kolegët janë bërë si tabela sponsorizimesh ku shkruhen ilaçet e firmave farmaceutike të cilat i falin bluzat e bardha me logot e ilaçeve mbi to”.
Edhe në rastet kur institucioni ua siguron vetë bluzat, me të mbaruar puna, mjekët dhe infermierët janë të detyruar ta kthejnë atë.
“Më lajmëruan të dorëzoj bluzën, pasi kam dalë në pension” shprehet njëra prej infermiereve. Ajo tregon me lot në sy se edhe në momentet e daljes në pension, vazhdojnë të bëhen padrejtësi dhe që të trajtohen në mënyrë të turpshme.
