Studentët e mjekësisë, protestë për diplomat

Rreth 6 mijë studentë të Universitetit të Mjekësisë kanë bojkotuar mësimin në shenjë proteste për mosdhënien e diplomave për ata që janë diplomuar, por edhe për mosndarjen e bursave. Gjatë protestës së tyre studentët bllokuan edhe një nga rrugët e QSUT-së. “Duam të rikthehemi në Universitetin e Tiranës, pasi nuk kemi marrë diplomat. Të mos cenohet e drejta e votës”, u shprehën studentët gjatë kësaj proteste. Mësohet se nesër (të martën) rreth orës 10:00, studentët do të protestojnë edhe para Ministrisë së Arsimit.