Përshtati për Shendeti.com.al: Blertina Koka
Zgjoheni herët në mëngjes dhe e filloni punën që në orën 5? Po planifikoni të punoni deri orët e vona të natës? Mjaft më! Po e rrezikoni seriozisht shëndetin.
Një studim i ri suedez ka zbuluar se puna jashtë orarit të zakonshëm 9:00-17:00 mund të shkaktojë dëmtime serioze në tru. Ky studim tregon se ata që punojnë shumë herët në mëngjes ose vonë gjatë natës kanë më shumë gjasa që të kenë probleme me kujtesën se personat që punojnë vetëm gjatë orarit zyrtar të punës.
Puna herët ose vonë ndërpret lobin frontal të trurit dhe dëmton proceset themelore të tij, të cilat lidhen me kontrollin, gjuhën, aftësinë e zgjidhjes së problemeve dhe gjykimin, të gjitha këto të rëndësishme për punën, prandaj, çdo anashkalim që ju bëni, do të jetë keq për ju.
Puna jashtë orarit zyrtar do të ndërhyjë edhe tek ora biologjike e trupit, duke e bërë më të vështirë fjetjen dhe zgjimin.
Duhet të kujtoni se njerëzit funksionojnë në bazë të një “ore të brendshme”, çka do të thotë se çdo aktivitet i vrullshëm pune përtej orës 17.00 nuk ju lejon të bëni një gjumë të thellë, duke shkaktuar kështu probleme të mëdha me orarin e gjumit dhe gjithë pasojat negative që ka mungesa e tij.
Pjesa më alarmante e këtij studimi është se sa më shumë të punoni në orë të papërshtatshme aq më shumë e dëmtoni trurin tuaj. Megjithatë, nuk jeni kurrë vonë për t’iu rikthyer rutinës normale të punës. Në eksperimentin e këtij studimi, punonjësit që kthyen rutinën e tyre në normalitet, pas 5 vitesh, kishin të njëjtën performancë truri me ata që kanë ndjekur gjithnjë një regjim të rregullt pune.
Burimi: Metro.co.uk / https://shendeti.com.al/
