Përshtati në shqip për “Shendeti.com.al“: Blertina Koka
Dëgjimi i muzikës para, gjatë dhe pas operacionit mund të ndihmojë për të lehtësuar dhimbjet. Kjo të paktën sipas një studimi të kryer nga një grup hulumtuesish shkencorë nga Universiteti “Queen Mary” i Londrës, i cili tregon se pacientët që dëgjojnë muzikë janë më pak të shqetësuar pas operacionit dhe kanë më pak nevojë për ilaçe qetësuese.
Në një artikull të publikuar tek revista prestigjioze “Lancet, ata thonë se muzika ka rezultuar efektive edhe kur pacientët kanë qenë nën efektin e anestezisë. Shkencëtarët duan që mjekët t’u sugjerojnë pacientëve të marrin pajisje muzikore me vete, pasi do të ndihen më mirë si fizikisht ashtu edhe moralisht.
Sipas autores kryesore të studimit, dr. Catherine Meads, muzika është një opsion i sigurt, i lirë dhe jo-invazivë që mund të jetë në dispozicion për këdo që duhet t’i nënshtrohet një operacioni.
Studimi thotë se është shumë e rëndësishme të merren në konsideratë edhe rrugë të tjera, përveç medikamenteve, për lehtësimin e dhimbjeve.
Burimi: BBC / https://shendeti.com.al/
