Përshtati në shqip: Blertina Koka
Pacientët me diabet janë dyfish më të rrezikuar që të zhvillojnë katarakt krahasuar me personat e tjerë që nuk vuajnë nga kjo sëmundje vrasëse, sugjeron një studim i ri. Sidomos gratë janë më të rrezikuara nga katarakti – shkaku kryesor i verbimit të njerëzve në të gjithë botën, që fillon si turbullim i shikimit.
Studimi 15-vjeçar ka zbuluar gjithashtu se pacientët në moshë të mesme janë gjithashtu 6 herë më shumë të rrezikuar të zhvillojnë probleme me shikimin.
Katarakti ose siç njihet “perdja e syrit” është një sëmundje e cila prek një pjesë të konsiderueshme të moshës së tretë. Ajo konsiston në trashjen progresive të lentes së syrit dhe është një nga shkaqet kryesore të humbjes së shikimit në botë. Një pacient me katarakt paraqet ulje graduale të shikimit, si dhe ulje të sensivitetit të kontrastit të ngjyrave, një shkallë të lehtë miopie, diplopi monookulare.
Katarakti është një sëmundje e cila korrigjohet vetëm me kirurgji, e cila konsiston në heqjen e lensit dhe zëvendësimin me lente artificial. Nuk ekzistojnë medikamente të cilat ndalojnë avancimin e kataraktit apo zgjidhjen e tij.
Burimi: Daily Mail / Shendeti.com.al
