Një studim tregon se një ilaç mund të përgjysmojë zhvillimin e kancerit të gjirit tek gratë që kanë rrezikshmëri më të lartë. Studimi, sipas BBC-së, ka përfshirë 4000 gra dhe ka treguar se anastrozoli ishte më i efektshëm, më i lirë dhe kishte më pak efekte anësore sesa mjekimet që përdoren aktualisht.
Ai ndalon prodhimin e hormonit estrogjen, i cili ndikon në shtimin e kancerit të gjirit. Doktorët dhe mbështetës të tyre po u kërkojnë shërbimeve shëndetësore të marrin në konsideratë ofrimin e këtij ilaçi grave të shëndetshme. Disa vende tashmë po ofrojnë ilaçe si tamoxifen dhe raloxifen për të parandaluar kancerin e gjirit.
