I gjithë vendi është përfshirë nga stuhia këtë të shtunë, me erëra të forta dhe reshje të dendura në disa qarqe. Në Tiranë, Durrës, Vlorë e Lezhë, raportohet për dëme materiale, probleme në qarkullim, rrugë të përmbytura e mungesë energjie.
Në kryeqytet, Klan Tv raporton për disa qytetarë të lënduar, të cilët janë paraqitur në spital me dëmtime për shkak të stuhisë. Gjithashtu mësohet se të paktën 23 persona kanë shkuar për ndihmë mjekësore, e 4 prej tyre janë të shtruar.
Po sipas Klan tv, era e fortë ka rrëzuar pemë në disa zona, duke krijuar kryesisht trafik të rënduar, por edhe dëme materiale. Ndërsa në zonën e Zall Bastarit mësohet se era rrëzoi telat e korrentit në rrugë.
