Ekzistojnë prova të shumta shkencore që konfirmojnë rolin që ka një diete e shëndetshme dhe një jetë aktive, së bashku me konsumin e produkteve që përmbajnë sterole bimore, në uljen e nivelit të kolesterolit dhe për pasojë ruajtjen e një zemre të shëndetshme. Sterolet bimore (ose fitosterolet) janë substanca natyrale të pranishme në ushqimet që përdorim çdo ditë, në veçanti në vajin e ullirit të rafinuar, te perimet, frutat e freskëta dhe ato të thata, si dhe te drithërat, edhe pse te këto të fundit në sasira më të vogla. Ky ka qenë objekti i simpoziumit “International Symposium on Atherosclerosis”, të zhvilluar këto ditë në Romë. Në fakt, që në fillim të viteve ’90 janë kryer mjaft studime që kanë treguar se konsumi i rreth 2-2,5 g fitosterolesh në ditë, është efikase për të ulur deri në 10-15% nivelin e kolesterolit, që pas javës së tretë trajtimi me këtë meny.
