Kërkuesit tajvanezë kanë identifikuar një nga arsyet e mundshme se pse praktikuesit e artit marcial tai çi gëzojnë të mira shëndetësore: ky lloj arti luftarak duket se rigjeneron qelizat staminale.
Në një studim të publikuar në revistën mjekësore ndërkombëtare “Cell Transplantation”, një grup kërkuesish rezultoi se tai çia mund të rrisë numrin e qelizave staminale tek praktikuesit e saj.
Lin Hsin-jung, një kirurg neurolog dhe kreu i Spitalit Universitar në jug të Tajvanit, u shpreh se publiku i gjerë e ka konsideruar tai çinë për një kohë të gjatë, si të mirë për shëndetin dhe praktikuesit thonë se i ndihmon të kenë një jetë më të shëndetshme e më të gjatë.
Lin dhe një grup kërkuesish e testuan këtë teori pas tre vjet kërkimesh. Në studim, 60 subjekte u ndanë në tre grupe, dy prej të cilave praktikuan tai çi dhe ecje të shpejtë, ndërsa i treti s’bëri asnjë ushtrim.
Kërkuesit arritën në përfundimin se praktikuesit e tai çisë patën një rritje të qelizave të veta staminale nga 3-5 herë. Ushtrimet e rregullta të tai çisë i ndihmonin njerëzit në funksionin e zemrës, rigjenerimin e qelizave të trurit, me sjellje të balancuar dhe ndihmonte në traumat mendore dhe lodhjen nervore.
Qelizat staminale janë të afta për të ndihmuar rigjenerimin e trupit./ Arlinda Gjypi
