Vaji i jojobës mund të jetë i mirë për lëkurën në mënyra të ndryshme:
Si një antibakterial – Siç e dinë edhe amerikanët autoktonë prej shekujsh, vaji i jojobës është shumë i efektshëm në parandalimin dhe trajtimin e infeksioneve të lëkurës. Para se të prodhoheshin medikamentet modern për trajtimin e infeksioneve, vaji i jojobës përdorej gjerësisht në fiset autoktone në Meksikë dhe Amerikën jugperëndimore.
Si antiinflamator – Vaji i jojobës ul skuqjen dhe mbufatjen e dhimbshme që zakonisht shoqërojnë dëmtimet e lëkurës.
Si një hidratues – Duke qenë se vaji i jojobës është shumë i ngjashëm me vajin natyral që prodhon trupi ynë në një process normal, ai është gjithashtu shumë i efektshëm si hidratues. Ai thithet lehtësisht nga lëkura dhe e lë atë të butë.
Si trajtues për aknet – Vaji i jojobës mund të ndikojë tek lëkurat e reja, ashtu si dhe të vjetrat. Aknet, një problem tipik për adoleshentët, mund të bëhen baza për infeksione nëse nuk trajtohen siç duhet. Shumë prej produkteve në gjithë botën përmbajnë yndyra shtazore që i bën aknet dhe më keq. Por vaji i jojobës duke pasur një natyrë antiseptike, është shumë e efektshme në trajtimin e akneve./ Përgatiti: Arlinda Gjypi
