Gazetare: Klevisa GJIKA
Janë ridiskutuar vendimet në lidhje me lëvizjen e vendeve të Unionit. Këshilli i Bashkimit Eurpian, gjatë përditësimit të listës së vendeve, vendosi që vendi ynë të mos hiqet nga lista e vendeve jo të sigurta në kohë pandemie.
Kjo situatë mendohet të zgjasë deri në fund të korrikut, por normalizimi apo jo i situatës mund të ndryshojë gjithçka.
Edhe Serbia dhe Mali i Zi, Kosova, Maqedonia e Veriut dhe Bosnje e Hercegovina gjenden në të njëtën pozitë me ne. Ata nuk do të mund të udhëtojnë në BE, të paktën deri në një vendim të ri. Kështu, numri i lartë i infektimeve heq mundësinë për udhëtime drejt vendeve të tjera.
Në rast të përmirësimit të situatës, Unioni do të hapë kufirin në fillim të muajit të ardhshëm.
