Elena Beta
Hapja e fushatës “No Hate Speech” në bashkpunim me Qendren Rinore “Epoka e Re” ishte aktiviteti që mblodhi bashkë të rinjtë e gjimnazeve të Fierit, për të diskutuar mbi eliminimin e gjuhës së urrejtjes nga përditshmëria.
Senatorët e shkollës profesionale Petro Sota bënë një prezantim të qëllimit dhe misionit që ka kjo fushatë si dhe të aktiviteteve të zhvilluara deri tani në qytetet e tjera të Shqipërisë dhe në Kosovë.
“Përveç pjesëmarrjes të lartë së të rinjve në këtë sesion informimi rreth fushatës, ajo që vihej re ishin idetë e vlefshme që ata sollën mbi format e parandalimit të gjuhës së urrejtjes nëpër shkolla. Përsa i përket aktiviteteve që do të zhvillohen në vijim, ato do të konsistojnë në radhë të parë në informimin e të rinjve rreth fushatës si dhe në punë konkrete ku përfshihen realizimi i aktiviteteve të ndryshme ndërgjegjësuese, në mënyrë që mesazhi i kësaj fushate të përçohet edhe më tej.”- tha Brisilda Hasaj, përfaqësuese e Qendrës Rinore “Epoka e Re dhe e fushatës “No Hate Speech”
Në përfundim të aktivitetit të rinjtë realizuan disa foto nën sloganin “No Hate Speech/Jo gjuhës së urrejtjes” si dhe shprehën dëshirën për të qënë pjesë aktive e kësaj lëvizje në aktivitetet që do të zhvillohen në të ardhmen.
